"بــــــــراهـــــــــــام لينكـــــــــولـن و ثــــورة العبيـــــــــد"

 "بــــــــراهـــــــــــام لينكـــــــــولـن و ثــــورة العبيـــــــــد"

تحياتي شعب الاشباح شويا ديال تفاعل راه ناقص مهم برطجيو بوسط عندكم باش ناس يستافدو تحياتي ليكم

مهم كنسمعو بالعبـ ودية ولكن الحاجة الوحيدة لي كنعرفو عليها انها احتـ قار للبشرية، ولكن لي معارفينش الاغلبية ان هاد العـ بودية كانت نظام قانوني عند بعض الدول والمستوطنات فواحد الوقت...نمشيو للموضوع

كيف قلت ليكم العـ بودية كانت نظام قانوني واقتصادي فميريكان يعني فاش انا غانجيب واحد 10 ديال العبـ يد كايدخلو فالملكية ديالي نتصرف فيهم كيما بغيت ويخدمو عندي فابور حيت هادشي قانوني فداك الوقت..نرجعو للتاريخ لور، العبـ ودية بانت اول مرة فعام 1619 بالضبط فالمستعمرة البريطانية "فرجينيا" فأمريكا الشمالية، كانو المستعمرات ديك ساعة خاصهم بنادم لي يخدم فالزراعة والتبغ والقطن والفلاحة ناضو بداو يشريو العبـ يد الأفارقة ويحرثو بيهم كيما بغاو ويديرو فيهم مابغاو، ومن بعد نتاشرات هاد تجارة العبـ يد أو تجارة الرق فميريكان كاملة على نطاق واسع وشوية بشوية حتى تحولات العبودية من تجارة لنظام قانوني اقتصادي جاري بيه العمل ولي غادي يحول هاد العـ بيد من بشر إلى ممتلكات عند المالكين والملعقين...

من بعدما نتاشرات تجارة الرق فميريكان بداو كيستوردو العبـ يد بما فيهم رجال ونساء وجابوهوم خدموهوم فالتبغ والقطن والأرز وقدروهوم المؤرخين بأكثر من 7 المليون ديال العبـ يد لي استوردوهوم من افريقيا لأمريكا...فداك الوقت فالقرن 17 ميريكان كانت مخلطة، فيها المستعمرين البريطانيين والمراكنة والعـ بيد الافارقة وفهاد الفترة بالضبط غاينوض تشنشيط....

نرجعو لعام 1770 فهاد الفترة شي جنود ديال الانجليز غادي يتيريو فشي مراكنة وغايقتلو شي 5 منهم ومن بين هاد الخمسة كاين واحد العـ بد سميتو "كريسبوس اتكس" من العـ بيد السـ ود هاد المجزرة غادي يستغلوها الثوار المراكنة وغادي يدخلو فالحرب مع الانجليز باش ياخدو الاستقلال ديالهم ونوضوها قرطاس ودمايات لمدة 8 سنين تال 1783 غادي يوقفو الحرب وغادي ياخدو المراكنة الاستقلال ديالهم من بعدما عقدو معاهدة باريس واعتارفات فيها بريطانيا بالاستقلال ديال ميريكان، هاد الاستقلال مكانتش ميريكان غادة تحلم بيه كون ما الدعم ديال السود الأفارقة..

واخا خدات ميريكان الاستقلال العـ بيد السود بقات حالتهم كيما هي يعني بقاو مستعبـ دين، هنا طبعا العـ بيد ماغديش يبقاو ساكتين وغينوضو بزاف ديال الثورات باش يتحررو من هاد العبودية ومن بين هاد الثورات ثورة "غابرييل بروسر" ف1800 وثورة "دينمارك فيسي" ولكن اكبر ثورة خلقات الرعب فالمراكنة هي ثورة "نات تيرنر" لي دارها "تيرنر" ف فيرجينا فعام 1831 هاد السيد جمع شي 75 واحد من العـ بيد وسلحـ هم وهجمو على المراكنة البيض وقتلو منهم 60 واحد فمدة يومين هادشي كان مزيان من جهة ولكن من جهة خرى حقدو المراكنة وبداو يعـدبو فالعبيـ د لخرين لي مادارو والو ووصفوهم بالهمـ جيين والمتوحـ شين وبلي العبـ ودية هي لي تليق ليهم...الخ

ولكن مع ذلك الثورة مغاداش توقف وغايجيو شي ناس وغايديرو واحد الحركة ديال إسقاط العبـ ودية هاد المرة الحركة فيها بعض المؤيدين البيـ ض لي مراضينش على الاحتـ قار لي كيتعرضو ليه العبيـ د السـ ود من بين هاد ناس كاين واحد الصحفي سميتو "ويليام لويد جاريسون" وواحد السيد خر "هارييت بيتشر ستو" لي كتب واحد الكتاب كيدعم فيه ثورة العبـ يد ومناهضة العـ بودية فهاد الفترة العبيـ د مغديش يبقاو يتفرجو وغيبداو يعاونو بعضياتهم باش يهربو من المزارع الجنوبية حتى هربو اكثر من 40 ألف ديال العبـ يد للشمال حيت الشماليين كانو كيعارضو العـ بودية على عكس الجنوب لي كيأيدوها، وف1859 غادة تنوض ثورة خرى دارها واحد السيد سميتو "جون براون" من بعدما هجم على واحد القاعدة عسكرية ولكن فلخر شدوه وعدمُـ وه...

فهاد الفترة غادي يخرج واحد البلان اخر من جنب لي غادي فتيل فأمـ ريكا، من بعد الثورة لي داروها المستوطنين ديال "تكساس" على المكسيس ونفاصلو عليها غادي يطلبو ميريكان باش تقبل طلب الانضمام للولايات المتحدة الامريكية حيت فديك الفترة ديال 48 كان تشنـ شيط نايض بين ميريكان والمكسيك وتنازلات فيه المكسيك لميريكان على "كاليفورنيا و نيو مكسيكو و يوتا" ودابا جات "تكساس" حتى هي بغات تدخل مع ميريكان هنا غاينوضو المسؤولين ديال الجنوب وغايطلبو باش يوليو هاد المدن كولايات ديال العبـ يد يعني يدخلو معانا ولكن يكونو عبـ يد ولكن الشماليين رفضو الطلب وقالو ليهم بلي بغينا هاد الولايات يكونو احرار وف1850 تافقو باش تكون كاليفورنيا ولاية حرة والولايات لخرين يختارو لي بغاو يعني اما ينضمو لولايات العبـ يد (الجنوب) ولا لولايات الاحرار (الشمال)..من بعد تاني غادي يجيو مناطق خرين يطالبو بالانضمام للولايات الحرة لي هوما "كنساس" و"نبراسكا" هنا غينوضو الجنوبيين وغايرفضو وغايقولو ليهم نخليو الخيار للمجلس التشريعي فالولايات بجوج ولي قالوها نديروها ودفعو الطلب للغونغرس وحيت كانو الاحرار مرخيين خسرو الضوصي وخداو الجنوبيين الموافقة ديال الكونغرس وبالتالي رجعات العبودية تاني فشي مقاطعات وطاح حزب "الويج" فالشماال وطلع حزب جديد لي هو "الحزب الجمهوري" وناض التشرشيم والقـ رطاس بين المؤيدين والمعارضين للعـ بودية و وبالثالي ناضت الحـ رب الأهلية الدموية لي ماتت فيها أمة ديال البشر...

فهاد الفترة غادي يوقعو شي انقسامات بين الشمال والجنوب فالإنتخابات، وغيتقسمو على 4، الديمقراطيين الجنوبيين لي كيأيدو تجـ ارة الرق العـ بيد، والجمهوريين لي كيعارضوها وكيعارضو العبـ ودية، والديمقراطيين الشماليين لي كيأيدو الديمقراطية الدولية يعني حرية الدولة فاتخاد القرارات، واخيرا الحزب الدستوري لي كيأكد على اهمية وحدة البلاد فوق كلشي واي حاجة خرى كتبقى مسألة ثانوية...هنا غادي ينوض صراع بين الإتحاد لي هي ميريكان والإنفـ صاليـ ين هاد الانفصـ اليـ ين كيتكونو من 11 ولاية جنوبية كيتسماو "الولايات الكونفدرالية الامريكية" لي هوما (الديمقراطيين الجنوبيين) وقبل من هادشي اينفوا تولى "براهام لينكولن" الرئاسة ديال البلاد انفاصلو 7 ديال الولاياات فالحُـ رب الأهـ لية ومن بعد الحرب نفاصلو 4 خرين وانضمو للولايات الكونفدرالية...هنا غينوضو الانفصـ اليين وغيهـ جمو على "لينكولن" باش يفرضو ريوسهم ويعتارفو بيهم صحة كولاية ولكن حتى واحد ماعتارف بيهم من غير الانجليز وفرنسا..."براهام لينكولن" كان الهدف ديالو هو يحرر العـ بيد أولا وفنفس الوقت يبقى مركز على الحرب وبقى كيسايس معاهم ومن بعدما ربح الحـ رب ف"أنتيتام" آمرهم باش يحررو العبـ يد وحررو حوالي 3 المليون ديال العبيـ د هادشي حفز بزاف ديال العبـ يد لي ضرباتهم النفس وانضمو للجيش ديال "لينكولن" حوالي 186 الف واحد وماتـ و منهم حوالي 38 الف وماتو حوالي 720 ألف واحد فهاد الحرب كعدد إجمالي بما فيهم المعارضين والمؤيدين...

وف 1865 استسلمو الإنفصـ اليين (الولايات الكونفدرالية) من بعدما شرشمهوم "لينكولن" وسالات الحـ رب وتحررو حوالي 4 المليون ديال العبـ يد بالإعلان ديال براهام لينكولن ومن بعد عاود دمجهم ودار ليهم إعادة الإعمار ورجع للعبـ يد حقوقهم وكرامتهم وعاشو بسلام وكتعتابر هادي أكبر مجـ زرة بشرية دازت فتاريخ الحـ رب....موهيم هادشي لي كاين تهلاو متنساوش تفاعلو