أجي تستافد
قبل مادير وليدات خاصك تعرف شي مسائل للي نتا كزوج او كزوجة معارفينهمش والتي تكمن على بعض الأدوية للي ممكن تعمل تشوهات للجنين ديالك وتدمر حياتو بسبب جهلك لهاته الأمور.
أشهر أنواع التشوهات سميتو ( spina Bifida ) لكيقصد الحبل الشوكي والسبب نقص فيتامين B9 او ال Folic Acid و بالتالي من الأحسن تاخد حمض الفوليك قبل الحمل بشهر ( شوف الصورة ) .
حب الشباب : كاين دواء سميتو isotretinion (لازم اوقف قبل الحمل على الأقل بشهر ) أدوية الضغط للي من عائلة ACEI و أشهر مثال عليهم هو الكابوتين للي كيتحط تحت اللسان ( كيضرب الكلية د الجنين ) واحد من المسكنات اسمه Naproxen ( كيدير نزيف للجنين ) دواء سميتو Finstreide خاص بتضخح البروستات عند الرجال ( كيضرب الاجزاء التناسلية في الجنين ) دواء سميتو Ribavirin لعلاج اﻹدز ولازمك توقفو 6 أشهر قبل الحمل .دواء سميتو leflunamide لحالات الروماتويد RA لازمك توقفو سنتين قبل الحمل .دواء سميتو Mycophenolate خاص بالأمراض المناعية لازم اتوقف شهر ونصف قبل الحمل بالنسبة لﻷم و 3 أشهر بالنسبة لﻷب. مضاد حيوي سميتو Ciprofloxacin كيدير أنيميا للطفل واستعماله غيدير له مشكلة فالقلب .النيكوتين للي موجود في السجائر و الكحوليات و الحشيش كلهم غيقللو وصول الدم للرحم وبالتالي تغدية الجنين من هاته السموم .أدوية الصرع phenytion أو valporic كيديرو مشاكل اشهرهم * الشفة الارنبية * (شوف الصورة )
هادشي للي قلت فقط من بين الحاجات للي كتسبب تشوهات وفي اغلب الأحيان كيموت الجنين اصلا قبل حتى مايتولد أو اتولد وغادي إكمل حياته عداب و مسخسخ معاه واليديه . أسأل الله تعالى الصحة و السلامة والعافية لي ولكم 
تحياتي 
التصنيف :
منوعات