كفاش البلان ديال سيش بنك CIH BAN
مللي حطيت مؤخرا بوسط على مشكل الروشارج اللي كاين في تطبيق CIH شي ناس في الكومنتيرات بقاو كيسولو باللي كاين اللي كيتشفرو ليه فلوسو من الحساب ديالهم ومعارفينش أش واقع.
ومع مكنتش عارف أش واقع مدويتش على الموضوع باش منعطيش شي حاجة اللي غالطة للناس.
ودابا من مصدر موثوق قال باللي المشكل مكاينش من التطبيق ديال CIH اللي واقع هو أنه شي تطبيق طرف ثالث Third Party Application اللي تيكون وسيط هو اللي تختارق وتخداو فيها المعلومات ديال الناس كاملين اللي فيه وفيهم حتى مغاربة لهذا المغاربة حتى هما لقاو باللي أن لفلوس كيتشفرو من الحساب ديالهم.
الحل هاد الساعة هو اللي عندو CIH يبلوكي Dotations ديال الE-commerce.
وCIH دابا كتحاول تشوف الناس اللي مشاو ليهم فلوسهم وكترجعهم ليهم.
إلى لقيتي باللي لفلوس ديالك حتى أنت تشفرو من الحساب ديالك سير للوكالة ديالك وبلغ ليهم بداكشي اللي واقع ليك.
====
شكرا لأنك قريتي الخبر، إلى عجبك متنساش تخلي الرأي ديالك عليه في التعليقات و Tagi الناس اللي عارفهم واقع ليهم هادشي باش إعرفو أش واقع✌️
====
منقول من صفحة مروكان هاكر